又係台北
但我未悶
仲已經諗緊下次幾時去。。
對我嚟講
台北係我心目中香港本應有嘅形象
有文化、有敎養
重視人與人之間嘅關係
讓老百姓有生存＆生活空間。。
今次想好好休息
所以再留耐少少
5日4夜
先叫可以recharge
畢竟呢兩個禮拜好難過。。
機票: 早半年用Asia Miles換，18,000 x 2換左兩張premium econ，仲可以早去(10.30am)晚返(18.45)
酒店: 今次連稅每晚HKD760/room住東區精品酒店Via Hotel，乾淨企理(仲幾型)，包早餐，所有最hit Café within walking distance (鼎泰豐喺正隔離)。雖然位於內街，其實相距復興南路只係十步之遙，夜晚兩個人行其實ok的 (住過via hotel其他分館，最好呢間!)
行程
Day 1: 機場-橫濱家系大和家拉麵-Yu chocolatier-誠品敦南店-師大夜市-Blue note (live jazz music)
拉麵: 適逢每月一號做大特價，招牌拉麵NT160(HKD40)，粗身麵條，味道都ok，質素拍得住香港賣HKD80嗰d。(台北市大安區市民大道四段12號(捷運忠孝復興站5號出口))
Yu chocolatier: 誠品敦南店直行至仁愛環路某銀行大廈後街，招牌朱古力(熱飲)加左酒，飲落香淳唔膩，個人大推! d cake都好好味，唔係死甜，個檸檬批好滑，而個煙燻朱古力撻要同老公爭食最尾一啖。價錢對比當地消費唔算平，但喺香港差不多係每人一杯starbucks加件美心製cake咁上下 (106 Taiwan 台北市大安區仁愛路四段112巷3弄10號)
誠品敦南店: 其實呢間d書比信義店仲多d架，知道呢間可能要結業，就巡個圈順便Check-in，之後就唔洗拎
師大夜市: 其實係因為老公reserve左9.30pm喺附近聽live Jazz music，所以早d過嚟掃街+行街。呢度可以買到質素唔錯嘅去街衫，手工比較精細，價錢亦比東區平，但款式未必啱返工。
Blue note: live jazz music...我冇補充
Day 2: 上引水產-九州鬆餅-松山文創園區-誠品信義店-鼎王
上引水產: 出發前冇plan過行程，只係想每一日去一個新嘅地方。之前聽過上引水產，知道係旅行團必到，本身冇乜興趣，但冇行程之下佢又叫自己做日式漁市場，又去八下~
由捷運站行去大概15分鐘(唔計之前行錯路。。) 去到約11點，超多人。。對我嚟講。。佢係一個放大版嘅一田超市。。好迫。。好多人排隊。。一係排超市(sorry我真係覺得佢係超市)中間立吞區，另一邊就幾條隊排俾錢，偏偏放刺身嘅雪櫃又喺人龍中間，莫講話刺身選擇不多，排得隊嚟d刺身都唔新鮮啦，價錢仲唔平，3隻牡丹蝦要NT320! 買幾盒分分鐘幾百，仲要插針式咁企喺出面d bar枱熱辣辣咁食。。最後決定貴少少去左隔離間西貢魚缸式海鮮酒家食個lunch，起碼有得坐。。
In general唔特別推介上引水產，海鮮ok新鮮，但如果非台灣本土捕獲(佢附近應該冇皇帝蟹/麵包蟹gwa)而charge日式魚巿場價錢加上迫到咁我個人覺得唔值lor。。
九州鬆餅: 其實我地係行得太攰，所以先穿過松山文創園區揾間cafe坐下抖下，咁啱呢間人龍店冇人龍，就入去坐下~ (限時1小時)
鬆餅係用麻糬造，所以好飽肚=.= 味道都ok，但未至於驚為天人或值得等1個鐘。老公點左一杯抹茶沙冰，真係好綠茶! 整體唔錯，但未到回頭級數
松山文創園區: 前身為一製菸廠，現改建為文創園區，將一間間房改建成文化活動工作室，類似PMQ，但種類多好多，非純粹商業活動，其中一間房仲俾本地大學生做畢業作品展示。園區本身唔大，有一間可坐低睇書嘅cafe，整體而言預個半-兩個鐘應該夠~
誠品信義店: 距離食飯仲有D時間，但又唔想返酒店(住東區嘅好處)，所以行左去誠品，又順手買多幾本書(每人) =.=
鼎王: 之前嚟台北從未試過麻辣火鍋，今次一於試下
(上網意外見到佢有得online book，仲可以經一個類似openrice book枱平台book埋另一間，於是決定今個trip食兩次。。人都癲)
訂位website: http://www.eztable.com/channel/11873/
呢個平台仲有Apps，最正係冇當地電話都可以訂位，不過餐廳選擇未算多，可能仲係發展初期gwa
從捷運站行大概5分鐘即到，服務貼心，每次點菜加茶加湯後都會90度躹躬。。食物而言都唔錯，點鴛鴦湯底要on top加錢(好似NT150)，問題係單點麻辣會驚太寡，而個酸菜湯底又不怎麼樣。。(雖然d酸菜可以中和膩感) 鴨血豆腐無限添加，我地仲點左牛肉、魚豆腐、豬肚、大白菜(即紹菜)＆桂圓菊花露(幾好飲，唔太甜)，二人埋單約NT1600(佢最低消費每人NT650) (台北市中山區長安東路二段131-1號 )
手信: 去鼎王時路過台北犁記，印象中幾有名，雖然店面完全係手信舖嘅格(鉅記feel)，但心想其他牌子都食到悶，又試下啦(結果同事們都讚 :) )
Day 3: 鼎泰豐-caldo cafe (二店)-基隆廟口夜市-東區
鼎泰豐: 酒店對面街sogo basement，台北check-in之作。平香港好多! 但真係要早，我地10.45去到已經要等10-15分鐘。。。當早餐lor XDDD
caldo cafe (二店): 食完飯仲早，想去附近cafe坐下，於是去caldo cafe。呢間主打hot cake，但食完鼎泰豐無耐食唔落，所以先點兩杯飲品，等落格先再order佢總店嘅招牌疏乎厘(反而總店唔可以點hot cake)
限時2小時(對我地嚟講係好多! 香港係以分鐘計。。)、無wifi，座位舒服，每人最低消費1杯飲料(餐點唔計)，睇書啱曬! (台北市大安區敦化南路一段190巷16號)
基隆廟口夜市: check-in時知道酒店對面sogo旁有巴士直去基隆(國光1800線)，大概1小時就到，又去行下啦~ 一落車見到光南大批發，雙眼發光!! 結果搵到香港賣好貴嘅pilot擦得到嘅啫喱筆，HK12.25有一支!!! (vs. HK25.5@log-on!!)
之後行去夜市，係好typical嘅夜市，超多人~ 食物依舊好熱氣。。。個人覺得，一D太地道嘅野未必啱食，大路嘅(一口香腸、蔥肉卷、燒魷魚)其實個個夜市都差唔多。。結論係，去一次就夠~
東區: 我地好好彩，返台北嗰程又係即刻有車，加上又無塞車，40分鐘已經返到~ 於是順便又行下東區，仲買左件好鍾意嘅牛仔外套 :)
插曲: 話說我試完件褸好鍾意，就叫佢俾件新嘅我。俾錢時醒唔起要check，行到半路開嚟睇下有無俾錯款時(啱款)又覺得好似怪怪地，返到去一試就知佢俾大左個size。。本身想第二日先換，但又唔想成日拎住/要夜晚趕住時間返，所以即刻拎返去換。(住東區嘅好處!!!) 去到鋪頭好彩未閂，問返個sales我頭先試咩碼，佢一睇先發現自己俾錯size我，但最正嘅係，當佢嘅表情擺明係自己攞錯size時，佢答我"以為客人不會介意size"
吓?! 有人買衫會唔介意個size ga咩? 咁你唔入free size? 咁我當然要換返啦，而臨近收鋪咁佢又當然話得返display啦。。算啦，反正試過上身係呢件好睇，加上價錢唔貴就算啦。。但我當時有O咀。。。
Day 4: 華山文創園區-中山Café a la mode-無老鍋
華山文創園區: 最後兩日行程由老公plan，今日去左華山文創園區。同松山文創園區一樣，由已丟置酒廠改建，幾個大貨倉改為各樣商店或展覽，可能發展較耐，比起松山更成熟、更多local去! 我地好好彩喺一間就嚟開門嘅食店前經過，等左5分鐘就入座，食左個幾好味嘅定食。個人頗喜歡華山，無刻意營造嘅文化氣氛，本地人亦善用草地同朋友聚會，頗值得去! (忠孝新生站行10分鐘到)
中山Café a la mode: 經過呢幾日每日15km咁行，個人其實都幾攰。。所以想搵間cafe坐下等食飯~ 可惜中山幾間有名cafe都好full，結果行遠少少見到呢間無人。其實都幾大心理掙扎ga。。無人wor。。假期wor。。但又真係好攰，加上一杯咖啡難飲極有限gwa。。又俾我地搏到wor~仲好舒服咁坐左兩個鐘 XDDD
無老鍋: 本來book左8點，但唔想太夜返，附近又無咩野行(上次行晒啦~) 就d早行去walk-in。好彩啱啱6點，加上我其實有book，佢好快安排到枱俾我。硬要比較我地鍾意無老鍋多D，佢都係麻辣湯底但有人蔘湯底，個味十分討好! 雖然佢無refill得太多鴨血&豆腐(一樣免費)，但其實好夠食。service一樣好好，仲送檸檬沙冰(超正!)去膩。呢間比鼎王貴少少，若論地點就腳及服務到位我地鍾意呢間多D。簡單嚟講，如果有quota考慮(時間、金錢、膽固醇等等)，我會亳不猶豫大推無老鍋!
Day 5: 寶藏巖-瞞著爺和食-caldo cafe (一店)
寶藏巖: 都係老公發掘~ 本來以為時間唔夠唔去，但老公好似又好想去，就諗住早少少去到附近行下，最多等到11點個藝術村開先行過去。但原來佢成個area要11點先對外開放。。想去嘅朋友要注意喇~ 寶藏巖其實係一D退役軍人自己搭建嘅一條村，因有歷史價值而得以保存，依家仲有~20戶人家住緊，部分"單位"則租俾local artist，好似係一個幾成功嘅活化例子。不過呢~詳情問返小單生啦~~~
瞞著爹二店 町和食: 寶藏巖地方唔算大，一個鐘其實都夠(加上我地早左到時已經去左附近D河濱公園行~)，於是返去酒店附近搵食，亦去左好出名嘅"瞞著爺"食lunch (balance一下幾餐熱氣野)。短評: 刺身新鮮，比香港平少少，但未算驚為天人地好味，一個刺身定食約HK$100，唔會特別返轉頭lor~
(台北市大安路一段19巷20號)
caldo cafe (一店): 早幾日去左佢嘅二店，但冇食到個signature hot cake，反而食左總店招牌疏乎厘，今日就去總店試。cafe一樣限時2小時，啱啱夠鐘返酒店pick up行李起程去機場。由於個人覺得咖啡＆疏乎厘都要熱先至好，所以我地分開時間點(最低消費每人一杯飲料，餐點唔可以代替; 分開點一嚟保持兩者熱度，二嚟我地啱啱食完飯未咁快食得落。。我比其他女仔少左個甜品胃。。) 但疏乎厘比預期中耐，等左接近45分鐘先上，我地要趕住走所以只可以三扒兩撥K.O.佢而未能細味。。整體而言我覺得二店舒服d(但老公話呢間似cafe多d)，可能嗰間樓底高d，食物而言兩間差唔多，佢將Earl grey加蜜糖嘅傳統化成視覺，幾有heart
(台北市大安區復興南路一段107巷5弄2號)
訂飛時可以揀遲一班機，但就算遲一個鐘我地都係食唔到dinner (再遲多一班都唔得)，咁不如食個豐富嘅tea再上機~桃園機場內嗰間餐廳真係好麻麻，雖然價錢唔貴，但亦唔值。。
***
台北5日4日之旅完滿結束
其實5日只係啱啱夠re-charge XDDD
